Та амархан сайн байна уу?

Буурал дээдсийн маань зуунаас зуунд өртөөлүүлэн авчирсан ариун дагшин газар шороо, нутаг ус бол Малчин сум хэмээх “овогтой” бид бүхний дээд шүтээн асрал энэрэлийн өргөө, аавууд, ээжүүдийн алтан гэрээс захиас, яндашгүй өв хөрөнгө билээ.

МЭНДЧИЛГЭЭ

Амжилт бүтээлээрээ алдаршсан төрөлх сумынхаа 85, охид, хөвгүүдийн билгийн мэлмий нээж, эрдмийн замд хөтөлсөн дунд сургуулийн 70, балчир үрсийн баясгалант дуу хадсан цэцэрлэгийн 50 жилийн ойг тохиолдуулан чин сэтгэлийн мэндчилгээ дэвшүүлж, амар амгаланг айлтгая.
Сум, сургууль, цэцэрлэгээ хөгжүүлж бэхжүүлэх үйлсдээ өндөр амжилт гаргаж, эрүүл энх, аз жаргалтай, сайн сайхан явахыг хүсэн ерөөе.

Малчин сумын Нийслэл дэх
нутгийн зөвлөлийн дарга Б.Бат-Эрдэнэ

МЭНДЧИЛГЭЭ

- Та ямар сургууль төгсөөд төр засагт ямар ажил алба хашиж ирэв ээ?
Би 1984 онд ЗХУ-ын Тюмень хотын Улсын Их Сургуулийг нябо, эдийн засагч мэргэжлээр төгсч Увс аймгийн АДХГЗ-ны Санхүүгийн хэлтэст 1984-1990 онд мэргэжилтэн, 1990-2000 онд аймгийн Татварын албаны дарга, 2000-2005 онд Санхүү эдийн засаг, төрийн сангийн хэлтсийн дарга, 2005-2009 онд Хадгаламж банкны салбарын захирал, 2009 оны 7 дугаар сараас аймгийн Аудитын газрын Ерөнхий аудитороор ажиллаж байна. 2003 онд МУИС-ийн Хууль зүйн сургуулийг хуульч эрх зүйч мэргэжлээр дүүргэсэн юм.

Отгон доктор төрлөө

2010 оны 7 дугаар сарын 5-ны өдөр Чонос овгийн Шинэнгийн Эрдэнэцэцэг “Баядын хуримын зан үйлийн бэлгэдэл” сэдвээр соёл судлалын доктор (Ph.D)-ын зэргийг эрдмийн зөвлөлийн гишүүдийн 100 хувийн саналаар амжилттай хамгааллаа. Ийнхүү Увс аймгийн Малчин сум 85 жилийн ойн баярынхаа өмнө нэгэн шинэ доктортой боллоо.